昨晚要到警署辦一些手續，中途聽到報案人士的對話，實在笑死。

個案一：

一名中年男子神色驚恐入黎話收到恐嚇電話。

我已經非常八卦地「偷聽」。

他說，收到別人打133給他，又打到公司找他，內容「恐嚇」他。

其中一個電話是「呃他去醫院話家人有病....他到了醫院才發現無這件事」...

類似事件相繼發生。(我覺得呢個男人咁都比人呃到...奇...)

再講講下佢話發現個電話男人的身份。

原來，呢個報案男子，搭上個人家的老婆。

恐嚇他的「丈夫」，內容大意叫「唔好再攪佢老婆，否則後果自負...等等」

然後這個男人說：「我同佢無聯絡架啦，呀sir，我地無來往架啦，咁點先？你點幫我先？」

呀sir：「你係咪真係無同人地有來往？你係咪有清楚同對方講你已經唔再同個女人聯絡？係咪講清楚先」

男人，支吾以對，淨係問呀sir點幫佢。

我心諗，抵死，攪人家老婆攪得咁開心呀拿 (關我咩事？)

另一個case：

兩名少女報案在的士上遺失了銀包，所有証件不見了。

少女哭著說：

「我..我唔見左銀包...嗚...」

呀sir：「冷靜d...響邊度唔見...幾點唔見....報失左信用卡未先...」

少女：「呀sir....點申請返身份証架.....嗚...嗚..」

呀sir：「咪住先...報失左信用卡先...一陣話你知點申請返...」

少女：「呀sir....我唔見左身份証呀....嗚.....邊度有得拎返架？嗚....」

呀sir無咁好氣....然後答左佢點申請返。

之後呀sir問，有冇電話可以聯絡你呀？

少女：「嗚....我有2個電話架....」

呀sir：「咁你比個聯絡電話我啦...」

少女：「....嗚....我有2個電話號碼呀....比邊個你呀....嗚...嗚...」

呀sir(吹漲feel)：「你是但比一個我啦...」

少女：「12345678，我比埋另一個你呀....得唔得呀...嗚...」

呀sir....：「好.........」

然後我要走了....

響警局做，有得都真係幾好笑。